كل التفاصيل الخاصه بموقف التسريب و الالبوم فى اتصال هاتفي بين الفنان عمرودياب وموقعه الرسمى

المصدر / موقع عمرو دياب الرسمى (ورلد)
كل التفاصيل الخاصه بموقف التسريب و الالبوم فى اتصال هاتفي بين الفنان عمرودياب وموقعه الرسمى 2i22cfn

تلقينا منذ دقائق مكالمة من الهضبة / عمرو دياب .. تحدثنا بخصوص الأغاني المسربة و بناءا عليه فوجب إعلان الأتي ( البيان حينزل باللغة العامية لنقل ما قاله الفنان عمرو دياب حرفيا )

1 / الأغاني المسربة ( الأربع أغاني ) الجودة بتاعهم سيئة للغاية حيث إنهم مش أكتر من بروفات " بدائية " و يتمني الفنان عمرو دياب أن لا يصدر الجمهور حكمه علي العمل الفني من خلال ما سمعه من بروفات و تجارب لا ترقي لمستوي العمل النهائي.

2 / الأغاني ( المسربة ) ستصدر في الألبوم القادم علي النحو التالي:

مكنتش ناوي و بعدت - سيتم إصدارهم بنفس الشكل الغنائي اللي تم تسريبه ( مع وجود فرق هائل في جودة العمل ) .. عمرو قال لي بالحرف - الأغنيتين دول جودتهم النهائية أفضل 20 مرة من اللي نزلوا .. عمرو سمع الأغاني اللي إتسربت بالمناسبة و هي متاخدة من سي دي عليه ال 4 أغاني دول بس ( مش أكتر ).

ليه ( لما قابلتك ) و إلا حبيبي - سيتم إصدارهم بشكل مختلف نهائيا عن ما تم تسريبه .. و عمرو بيقول علي إلا حبيبي - مفاجأة الألبوم!
يعني الأغنيتين دول تنسوا الشكل اللي نزلوا بيه لأنهم مختلفين خالص!

3 / عمرو عرف الشخص اللي سرب الأغاني و حيتصرف ف الموضوع ده و مش عاوز الجمهور يقلق خالص و لا يشغل دماغه بمين سرب لأن ده شئ طبيعي بيحصل له من زمان نظرا لتأخره ف الإصدار و لشغف الناس بأعماله الفنية.

4 / عمرو مش زعلان و لا متضايق إلا من حاجة واحدة - هي إن البروفات دي ( أو تجارب المطبخ الفني ) زي ما بيقول .. مش شئ صح إن الجمهور توصل له التجارب دي و يحكم عليها كعمل فني مكتمل الأركان و بيتمني إن العمل الفني النهائي يعجب جمهوره و يكون عند حسن ظنه.

4 / الألبوم قدامه من 10 - 15 يوم و بعدين يسافر لندن لعملية الديجيتال ماستر و لوضع اللمسات النهائية إن شاء الله.

5 / عمرو لم يختار البوستر لحد دلوقتي.

6 / مكنتش ناوي و بعدت و ليه .. عمرو بيعمل إتصالاته حاليا عشان إن شاء الله خلال 48 ساعة يكونوا نازلين كنغمات للموبايل علي روتانا.

7 / الألبوم مش حينزل في الصيف.

8 / الميعاد اللي عمرو متوقعه للإصدار علي أعياد الربيع و شم النسيم و تحديدا أواخر مارس أو بداية إبريل ( مفيش ميعاد نهائي محدده للإصدار حتي الان ).

9 / فيه إحتمال كبير الدكتور حسام لطفي يصدر بيان رسمي لكافة المجلات و الصحف و المواقع الديابية الرسمية خلال أيام بنفس الكلام اللي أنا نقلته عن الفنان عمرو دياب.

10 / عمرو بيقول: إستنوا الحلقة القادمة من الحلم .. الحلقة كلها علي - ألبوم تملي معاك - و حلقة نظامها مختلف عن أي حلقة فاتت .. مش حقول التفاصيل عشان كلكوا تتفرجوا .. بجد فكرة الحلقة القادمة جامدة جداااا .. حلقة عالمية !!

نهاية البيان

عمرو ..بجد الله على حبك انتا

ثانكس ياقمرررررررر

» صور الفنان احمد عز
» البــوم الكينج عمرو دياب فى اول مارس ! + اخبار حصرية عن الالبوم انفراد لمصراوى وبس.
» حالة طلعت زكريا الفنان المحبوب و انتظار رد المستشفيات بالخارج