بعد اذنك ... دقيقتين من وقتك

اللهم اغفر لى و للعصاة مثلى و تقبل منى أعمالى على تقصير منى
اللهم ان لم أكن أنا اهل لرحمتك فان رحمتك وسعت كل شئ و اكرمتنى بكرمك لا لأنى استحق كرمك بل لأنك انت الكريم العظيم.

اخى الكريم ... اختى الكريمه
السلام عليكم و رحمة الله و بركاته

انا مش متعود اكتب فى منتديات و هيبان حتى من اسلوبى و يمكن دى تانى مره اكتب فيها بس الموضوع مهم و ربنا يوفقنى و اقدر اوصل لقلوبكم
و استحملونى دقيقتين معلش ضيف تقيل بقى

قليل اوى لما بناخد بالنا من دينا و من عبادة ربنا و فى ناس متعرفش من الدين الا الدين يسر بس (و انا واحد منهم)
بس ممكن والله بمجهود مش كبير و وقت قليل اوى نعمل كتيييييييييييييييييييييييير و دى فرص ربنا بيكرمنا بيها و مش هتتعب كتير
عشر ايام!
ايوه عشر ايام بس هتاخد عليها حسنات لا تعد ولا تحصى باذن الله و ثواب انت نفسك مش هتتخيله
يعنى الواحد يفضل يعمل اللى بيعمله طول السنه و فى عشر ايام ربنا يغفره ان شاء الله ... مش كده و بس لا كمان تبقى من اصحاب الاملاك فى الجنه ان شاء الله (املاك؟؟!! هو حد اصلا يطول يدخلها؟؟؟)
يعنى لو سيادتك مهيص طول السنه اعمل فى السنه دى عشر ايام لربنا
ولا كتير؟؟؟؟
و بعدين انت الكسبان و الله
العشر ايام دول هم العشر الاول من ذى الحجه ربنا يبلغنى و اياكم ثوابهم
و ده جدول ممكن تمشى عليه اعده الدكتور حازم شومان و راجعه فضيله الشيخ محمد حسين يعقوب بارك لنا الله فيهما و بص عليه بصه كده
مش هتخسر حاجه

اللينك اهو http://www.way2allah.com/media/files/images/asher_zoalhga.rar
وده لينك الحلقه الرهيبه اللى هتخسر كتير لو مشوفنهاش للدكتور حازم شومان http://www.way2allah.com/modules.php...iles&khid=8963

انا اسف لو عطلتكم و طولت عليكم
و ان كان هناك توفيق فمن الله له الحمد و الشكر
و ان كان هناك تقصير فمنى و من الشيطان
و نسالكم الدعاء

السلام عليكم و رحمه الله و بركاته